يا معمر رانا ليبيه مالسلوم لراس اجدير
والله لانا صلفيه لانا من منسب تزوير
لانا تنظيم ارهابيه لانا بياعين سكير
لا فيه اجندات خفيه قالت دونك دير او دير
لا هناك كلاشن مطويه لا رشاشه لا جنزير
شعب يطالب بالحريه صمم واللي يسير ايسير
كيف الراجل كي الوليه كيف العيل كي الكبير
فجرنا ثوره سلميه تهتف وتريد التغيير
نحسابوك اداوي السيه تخطب وتقول خنازير
تنعتنا بألفاظ بذيه جرذان وقول صراصير
وتجيب امعاك تشاديه جونا من فوق طيابير
واخرى قناصه صربيه حاسوا فالوطن تمنذير
ومن النيجر كمين سريه فأولهن جانا الخبير
بوتفليقه مي امغبيه من شوره طارن كم طير
زيد الطياره سوريه فيه اللي مازال يطير
من غير عبيد الماليه سيفك دارلهم تزوير
سيفك لو سيف اسلاميه لا يصلح رايد للخير
هياله كي ايدير خطيه يقدر يحسمها باللير
شين وشينات مراضيه كي حالك دجال كبير
من ظلمك جضوا مصريه فالحمام وابو قير
واعلامك ما حل قضيه هاله تكذب كي شاكير
واحد بايخ من باديه بوباح امتاع اتشهدير
يحكولي في يوم الجيه ينبحلك جابوه بسير
ياخذ سو الورفليه حمزه ضراب بنادير
مرات افكاره صوفيه للخير يبشر تبشير
واوقات كلاشن طرحيه يشخلع لشر نذير
لكن كي تتبع ماضيه واحد بوق امتاع طفير
شلقم عارف كل خفيه عندك نورنا تنوير
هز احساس ضماير حيه بكى كم ناس مشاهير
جردنا قوه دوليه من ظلمك جينا للغير
ولايمنا بين الثوريه واسسنا جيش التحرير
وانت خاسر هالقضيه ضاعت ما عندك تدبير
ننصح فيك وخوذ وصيه والدين نصيحه للغير
سألتك بأسم الانسانيه كنت انسان وفيك ضمير
احقن دم ارواح بريه وارحل وترك هالمصير
كلي الحكم انسى طاريه دورلك شي ملجا خير
ميمولك جثه مرميه متمدد يالاك انكير
واسلمتوا يا احرار
