قاللنا افليساتي شوية
مشتاق لشربة المية
ما عندي حاجة نكسبها
إلا ناقة جدي عقبها
وإلا اربعمية شهرية
والنفط الليبي ما هو ليا
للشعب اللي روحه فيا
نبي نتظاهر معاكم
ما عندي إلا سورية
ترقع فيها ليا عيشة
وتخيط فيها صفية
قال ما عنديش فلوس
ونا راجل عندي ناموس
ساكن في خيمة راني
من هبوب الريح انعاني
لا عندي قصر ولا حوش
حتى الثروة انوزع فيها
خطابي ليكم فيه دروس
ونبيكم تبقوا ساكتين
والراية الخضراء رافعين
ولكن ان كان تكلمتوا
عندي اللجان الثورية
بقبض وتقتيل اتحوس
قال عهدي عهد الحرية
وما ني رئيس ...قائد للجنة الثورية
اللي تجسد في الديمقراطية
وتذبح كل اللي ما يهتف بيا
وفي كتابي حطيت افكار
يتلى في النشرة ليل نهار
لا ني كذاب ولا سحار
رسول ل هالأنسانية
ومش عيب ان قلت عظيم
واسمي جنب اسم الرحيم
ونختم بإستمرار كفاحي
وشايل عالكتف سلاحي
نا باني النهر العظيم
مأسس أول جماهيرية
رد الشعب
وعدني بالديمقراطية
وين دويت
بدباباته يقصف فيا
وقال انتم جرذان عليا
أنا ثاير نبي الحرية
ما نبي لوطني تقسيم
و خوتي كل الليبيين
من طبرق للجبل الغربي العظيم
نهتف بسقوط الظالم جملية
قال يا ليبي قملك يسارب
فوق اللحية وفوق الشارب
قال قوله ومني هارب
وما عمره بسلاحه حارب
صوت بلا صورة يكلم فيا
من أنتم ...؟
أنا ليبي وأسمي إنسان
ثاير عالظلم ولي كيان
ابن ابطال وعالي الشآن
ما ني كلب ولا جرذان
ولا خواف ولا جبان
وآني قاعد في الميدان
وحريتي هيا العنوان
وأنت اللي كارس
في حفرة كيف الفيران
كارس
لا تقدر تطلع لا تبان
الشجاعة أفعال
مش جيبة أفريقيين
وكلام من الهاتف رنان
وقتلة عزل
وافعال خسيسة
نطلب منها لطف الرحمن
نطلب في ربي اليوم
لايطول حكمك لايدوم
أنحول من قلبي كل هموم
وأنقول على حكمك كان
