ياا قداافي :-
قلناها مليون مرة ..
نبو ليبيا تولي حرة ..
كانك تفهم اطلع برا ..
او دورلك اي مكان .
ان شاء الله تسكن في جرة ..
وتلم شلاتيتك في سرة ..
بااش ماتعاود هالكرة ..
وتقولنا ياجردان .
بالساعتين الخطبة المرة ..
اتقول ايحضر في درة ..
يالله اكفينا شره ..
ايفكر في تفكير الشطان .
مافيش مخلوق منه ماتبرا ..
ان شاء الله ايجيه الناتو ايزره ..
ايقوله ومن الشفشوفة ايكره ..
الشعب الليبي لا يهان .
ماينهان منك ياظالم ..
انت وفروخك المجارم ..
ربي فوقك وهو عالم ..
باللي درته من عصيان .
ظلمك من اللي سالم منه ..؟
بتقتل شعبك باش تتهنى ..
تسحر تتسهوك عالسنة ..
ياويلك تقلت الميزان .
ميزانك كله سيئات ..
دنوب واثم ومعصيات ..
تي لا كتائب لا فليسات ..
بروحك يوم الامتحان .
